2 kelot, todas sa kasalubong na trak

@Balitang Probinsiya | February 27, 2021

NORTH COTABATO—Dalawang lalaki ang namatay nang aksidenteng mabangga ng trak ang kinalululanan nilang motorsiklo kamakalawa sa Bgy. Nueva Vida, Mlang.

Kinilala ang mga biktima na sina Emiliano Esog at Berly Diwaten, kapwa residente ng Bgy. Mabuhay, General Santos City.

Ayon sa imbestigasyon, nawalan ng kontrol si Esog habang kaangkas si Diwaten kaya bumangga ang kinalululanan nilang motorsiklo sa kasalubong na trak.

Dinala ng mga saksi ang mga biktima sa ospital, pero kapwa sila idineklarang dead-on-arrival.

Hindi na pinangalanan ng pulisya ang driver ng trak dahil kusa itong sumuko at nangakong sasagutin ang gastusin sa pagkamatay sa aksidente ng dalawang biktima.