2 Kelot sugatan sa tricycle cargo

@Balitang Probinsiya | April 30, 2022

ZAMBALES – Dalawang lalaki ang sugatan nang bumangga ang kinalululanan nilang motorsiklo sa isang tricycle cargo kamakalawa sa Bgy. Old Cabalan, Olongapo City sa lalawigang ito.

Sa ngayon ay inaalam pa ng mga awtoridad ang pagkakakilanlan ng dalawang biktima.

Ayon sa ulat, mabilis ang takbo ng motorsiklong kinalululanan ng dalawang biktima kaya aksidenteng bumangga ito sa likurang bahagi ng tricycle cargo na minamaneho ni Alexander Dizon, nakatira sa nasabing lungsod.

Nabatid na sa lakas ng pagkakabangga ay nagtamo ng malaking pinsala sa ulo at katawan ang mga biktima.

Dinala ng mga saksi ang mga biktima sa ospital at kasalukuyan na silang ginagamot sa pagamutan.