2 Kelot sugatan sa pananaksak

@Balitang Probinsiya | August 5, 2022

AKLAN—Dalawang binata ang sugatan nang pagsasaksakin ng mga hindi kilalang lalaki kamakalawa sa Bgy. Andagao, Kalibo.

Kinilala ng pulisya ang mga biktimang nagtamo ng mga tama ng saksak sa katawan na sina Kyle Palmon, 19-anyos at Charlie Villanueva, 18-anyos, kapwa residente sa nabanggit na bayan.

Ayon sa ulat, habang pauwi sa kanilang mga bahay sina Palmon at Villanueva ay sumulpot ang mga suspek at agad pinagsasaksak ang mga biktima.

Nang matapos ang pananaksak ay mabilis na tumakas ang mga suspek.

Patuloy pa ang imbestigasyon ng pulisya sa isinagawang pananasak ng mga suspek, samantalang inoobserbahan pa sa pagamutan ang mga biktima.