2 Kahon ng marijuana, isinurender ng driver

@Balitang Probinsiya | July 27, 2022

KALINGA—Dalawang kahon ng marijuana ang isinuko ng driver sa pulisya kamakalawa sa Bgy. Talaca, Tabuk City.

Para sa kanyang seguridad ay hindi na pinangalanan ng pulisya ang driver ng courier van.

Ayon sa pulisya, naghinala ang driver na ang kanyang na-pick-up sa dalawang lalaki na dalawang kahon na isinakay sa kanyang van sa Bgy. Lacnog at ipinadi-dilber sa kanya sa Bulacan ay naglalaman ng marijuana.

Dahil dito, nagtungo ang driver sa police checkpoint at kusang ipinasiyasat ang dalawang kahon na nakalulan sa kanyang van at dito natuklasan na marijuana na nagkakahalagang P2.5 milyon ang laman nito.

Sa ngayon ay nagsasagawa na ng manhunt operation ang pulisya para madakip ang dalawang suspek.