2 human traffickers, arestado

@Balitang Probinsiya | March 6, 2022

ILOILO CITY–Dalawang miyembro ng sindikatong sangkot sa “human trafficking” ang naaresto ng pulisya kamakalawa sa Bgy. Rizal Palapala 2.

Ang mga suspek ay nakilalang sina Allan Ilangos at Josephine Abayon, kapwa pansamantalang nakatira sa nasabing barangay.

Nabatid na inaresto ng pulisya ang mga suspek sa bisa ng warrant of arrest na inisyu ng korte kaugnay sa kinasasangkutan nilang kasong human trafficking sa Palawan.

Sinabi ng mga awtoridad na matagal na nilang pinaghahanap ang mga suspek at kamakalawa lang sila nagkaroon ng pagkakataon na nadakip ang mga ito sa naturang lugar.

Nakapiit na ang mga suspek sa detention cell ng himpilan ng pulisya.