2 bangkay natagpuan sa sugarcane plantation

@Balitang Probinsiya | Enero 30, 2023

NEGROS OCCIDENTAL — Dalawang bangkay ng lalaki ang natagpuan kamakalawa sa sugarcane plantation sa Bgy. 6, Kabankalan City sa lalawigang ito.

Ang mga biktima ay kinilala ng pulisya na sina Ervin Colorado, 22, at ang binatilyong itinago sa pangalang "Jerry", 16, kapwa nakatira sa Bgy. Biniculi sa nasabing lungsod.

Nabatid na ilang residente ang nakatagpo sa mga bangkay ng mga biktima na kapwa tadtad ng saksak ang mga katawan.

May hinala ang mga awtoridad na mahigit sa isa ang pumatay kina Colorado at "Jerry" dahil sa dami ng saksak na tinamo ng dalawang biktima.

Patuloy pa ang isinagawang imbestigasyon ng mga awtoridad para makilala at madakip ang mga salarin.