2 bagets na rider, sugatan sa aksidente

@Balitang Probinsiya | January 24, 2022

CAPIZ--Dalawang binatilyo ang sugatan nang aksidenteng magkabanggaan ang mga minamaneho nilang motorsiklo kamakalawa sa Bgy. Nasunogan, Dao.

Hindi na pinangalanan ng pulisya ang dalawang biktima na kapwa 15-anyos, at parehong residente sa nasabing lugar.

Ayon sa ulat, kapwa mabilis ang takbo ng mga motorsiklong minamaneho ng dalawang biktima kaya aksidenteng nagkabanggan sa naturang barangay ang dalawang sasakyan.

Nabatid na nagtamo ng mga pinsala sa ulo at katawan ang mga biktima na kapwa ginagamot na ngayon sa ospital.

Patuloy pa ang imbestigasyon ng pulisya para mabatid kung sino sa dalawang binatilyo ang may pananagutan sa aksidente.