2 bagets, dedbol sa motor

@Balitang Probinsiya | June 17, 2023

ILOILO -- Dalawang binatilyo ang namatay at isa pa ang sugatan nang aksidenteng bumangga ang kinalululanan nilang motorsiklo sa bakal na bakod kamakalawa sa Bgy. Antonio, Oton sa lalawigang ito.

Dahil mga menor-de-edad, ay hindi na pinangalanan ng pulisya ang dalawang nasawi at isang sugatan sa aksidente.

Ayon sa ulat, nawalan umano ng kontrol ang isang binatilyo sa pagmamaneho ng motorsiklo habang kaangkas ang dalawa niyang kaibigan kaya bumangga sila sa bakal na bakod ng isang tahanan sa nasabing lugar.

Nabatid na sa lakas ng impact ay nagtamo ng malaking pinsala sa ulo at katawan ang mga biktima.

Dinala ng mga saksi ang mga biktima sa ospital, pero idineklarang dead-on-arrival ang dalawang binatilyo, habang kritikal ang kondisyon ng isa pang biktima.