2 armadong grupo nagbarilan sa 1 barangay

@Balitang Probinsiya | September 19, 2022

NORTH COTABATO—Pinaghahanap ng mga awtoridad ang dalawang armadong grupo ng kalalakihan na nagbarilan kamakalawa sa Bgy. Lingayen, Pikit.

Sa ngayon ay inaalam pa ng pulisya ang pagkakakilanlan ng mga nagbarilang grupo ng kalalakihan upang sila ay dakpin at sampahan ng mga kaukulang kaso.

Ayon sa ulat, nang magkita sa naturang lugar ay biglang nagbarilan ang dalawang grupo dahilan, kaya lumikas sa takot ang mga residente sa nabanggit na barangay.

Kaagad tumakas ang mga nagbarilang grupo ng mga suspek nang dumating ang tropa ng pamahalaan.

Nabatid na wala namang iniulat na nadisgrasya o tinamaan ng ligaw na bala sa barilan ng dalawang grupo ng kalalakihan sa nasabing barangay.