10 Mangingisda, arestado sa illegal fishing
- BULGAR
- Jul 18, 2022
- 1 min read
@Balitang Probinsiya | July 18, 2022
CAMARINES NORTE—Sampung mangingisda ang inaresto ng mga awtoridad dahil sa pagsasagawa ng illegal fishing kamakalawa sa karagatang sakop ng Bgy. Lanot, Mercedes.
Hindi muna pinangalanan ang mga naarestong suspek habang iniimbestigahan pa sila ng mga awtoridad.
Ayon sa ulat, dinakip ng mga awtoridad ang mga suspek dahil sa pangingisda sa nasabing karagatan nang walang kaukulang permit mula sa lokal na pamahalaan.
Hindi naman nanlaban at kusang sumama sa pulisya ang mga naarestong suspek.
Nakapiit na ang mga suspek at sinampahan na sila ng pulisya ng kasong paglabag sa illegal fishing.
Comments