10 local terrorists, sumurender

@Balitang Probinsiya | December 13, 2020

Camarines Sur—Sampung miyembro ng local terrorists na New People’s Army (NPA) ang sumuko sa pamahalaan kamakalawa sa bayan ng Pili.

Para sa kanilang seguridad ay hindi na pinangalanan ng mga awtoridad ang mga sumukong NPA.

Nabatid na isinuko rin ng mga terorista ang mga dala nilang baril at bala sa pulisya at militar sa nasabing lalawigan.

Sinabi ng mga sumukong komunista, nagsawa na sila sa pakikipaglaban sa pamahalaan kaya nagpasya silang magbalik-loob sa gobyerno.

Isinasailalim na sa taktikal na interogasyon ang mga sumukong terorista para matiyak na bukal sa kanilang kalooban ang pagbaballik-loob sa pamahalaan.