10 BIFF members sumurender
BULGAR
Oct 9, 2022
1 min read
@Balitang Probinsiya | October 9, 2022
MAGUINDANAO DEL SUR—Sampung miyembro ng Bangsamoro Islamic Freedom Fighters (BIFF) ang sumuko sa pamahalaan kamakalawa sa bayan ng Ampatuan.
Para sa kanilang seguridad ay hindi na pinangalanan ng mga awtoridad ang mga sumukong terorista na nakabase sa nasabing lalawigan.
Ayon sa ulat, isinuko rin sa mga awtoridad ang mga dala nilang armas at pampasabog.
Sinabi ng mga sumukong BIFF members na nais na nilang magbagong-buhay kaya nagbalik-loob na sila sa gobyerno.
Isinasailalim pa sa taktikal na interogasyon ang mga sumukong terorista upang matiyak na bukal sa kanilang kalooban ang pagbabalik-loob sa pamahalaan.
Comments