10-Anyos ni-rape ng stepdad

@Balitang Probinsiya | May 1, 2022

CEBU – Isang stepfather na gumahasa umano sa kanyang 10-taong gulang na stepdaughter ang naaresto ng mga tauhan ng pulisya kamakalawa sa bayan ng Tabogon sa lalawigang ito.

Hindi na pinangalanan ng pulisya ang suspek upang maitago ang pagkakakilanlan ng biktimang ginahasa nito.

Nabatid na madalas umanong gahasain ng suspek ang biktima at dahil hindi na matiis ng batang babae ang panggagahasa sa kanya ay nagreklamo na ito sa pulisya laban sa kanyang stepfather.

Dahil dito, agad rumesponde ang mga tauhan ng pulisya at dinakip ang suspek.

Hindi naman nanlaban at nakapiit na ngayon ang suspek sa detention cell ng himpilan ng pulisya.