1 miyembro ng komunistang NPA, sumurender

@Balitang Probinsiya | December 3, 2020

TARLAC—Isang miyembro ng New People’s Army (NPA) ang sumuko sa pamahalaan kamakalawa sa bayan ng Mayantoc.

Para sa kanyang seguridad ay hindi na pinangalanan ng mga awtoridad ang sumukong komunista.

Napag-alamang isinuko rin ng komunista ang dala niyang baril at bala sa Tarlac Police Provincial Office.

Ayon sa sumukong NPA, nagpasya siyang magbalik-loob sa pamahalaan dahil gusto na niyang magbagong-buhay.

Isinasailalim na sa taktikal na interogasyon ang sumukong komunista para matiyak na bukal sa kanyang kalooban ang pagbaballik-loob sa gobyerno.