Wanted sa palawan, tiklo sa iloilo
BULGAR
Jun 16, 2022
1 min read
@Balitang Probinsiya | June 16, 2022
ILOILO–Isang most wanted criminal sa Palawan ang nadakip ng pulisya kamakalawa sa kanyang hideout sa Bgy. Tubugan, Ajuy.
Ang suspek ay kinilala ng pulisya na si Alex Crispino, 36-anyos at pansamantalang nakatira sa nasabing barangay.
Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder.
Ayon sa ulat, may nag-tip sa pulisya sa pinagtataguan ni Crispino kaya agad rumesponde ang mga operatiba at inaresto ang suspek sa nasabing barangay.
Comments