Wanted na killer arestado
BULGAR
Sep 8, 2022
1 min read
@Balitang Probinsiya | September 8, 2022
SORSOGON—Isang wanted na killer ang naaresto ng pulisya kamakalawa sa kanyang hideout sa Bgy. Biga, Magallanes.
Kinilala ng pulisya ang suspek na si Manuel Belangel, nasa hustong gulang at pansamantalang nakatira sa nasabing barangay.
Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder sa lalawigan.
Napag-alamang may nag-tip sa pulisya sa pinatataguan ni Belangel, kaya agad rumesponde ang mga operatiba at dinakip ang suspek.
Nakapiit na ngayon ang suspek sa detention cell ng himpilan ng pulisya.
Comments