Wanted na arsonist nasakote

@Balitang Probinsiya | September 7, 2022

ALBAY—Isang wanted na arsonist ang nadakip ng pulisya kamakalawa sa kanyang hideout sa Bgy. Bitano, Legazpi City.

Hindi na muna pinangalanan ang suspek habang iniimbestigahan ito ng mga awtoridad.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong mga kasong arson sa lalawigan.

Nabatid na may nagbigay-impormasyon sa pinagtataguan ng suspek kaya agad itong pinuntahan ng pulisya at dinakip sa nabanggit na barangay.

Kusa namang sumama sa pulisya ang suspek nang dakpin siya ng mga awtoridad.