Tanod nalunod sa Taal Lake

@Balitang Probinsiya | June 7, 2022

BATANGAS–Isang barangay tanod ang namatay nang malunod habang naliligo sa Taal Lake na sakop ng Lipa City sa lalawigang ito.

Ang biktima ay kinilala ng pulisya na si Edwino Manzanaris, 47-anyos, nakatira sa nasabing lungsod.

Ayon sa ulat, naliligo umano sa Taal Lake si Manzanaris nang mapagawi ito sa malalim na bahagi kaya nalunod ang biktima.

Kaagad sumaklolo ang mga residente, pero hindi agad nakita ang biktima na lumubog sa lawa.

Nabatid na matapos ang ilang minuto ay lumutang ang walang malay na biktima kaya agad itong dinala sa pagamutan, pero idineklara itong dead-on-arrival.