Rider, nilikida ng riding-in-tandem

@Balitang Probinsiya | August 3, 2022

NORTH COTABATO—Isang hindi kilalang rider ang namatay nang barilin ng riding-in-tandem kamakalawa sa Bgy. Binoligan, Kidapawan City.

Inaalam pa ng pulisya ang pagkakakilanlan ng biktimang nagtamo ng mga tama ng bala sa katawan.

Ayon sa ulat, habang minamaneho ng biktima ang kanyang motorsiklo nang sumulpot ang dalawang hindi kilalang suspek na nakasakay din sa motorsiklo at agad itong pinagbabaril.

Mabilis na tumakas ang mga suspek matapos tiyaking patay na ang biktima.

Patuloy pa ang imbestigasyon ng pulisya sa motibo ng mga suspek sa pagpatay sa biktima.