Pumatay sa live-in partner nasakote

@Balitang Probinsiya | October 10, 2022

PAMPANGA—Isang lalaki na pumatay sa kanyang live-in partner ang nadakip ng pulisya kamakalawa sa kanyang hideout sa Bgy. Dau, Mabalacat City.

Kinilala ng pulisya ang suspek na si Ramy Dago, 47-anyos, pansamantalang nakatira sa nabanggit na barangay.

Nabatid na dinakip ng pulisya ang suspek dahil sa ginawa nitong pamamaril at pagpatay sa kanyang live-in partner na si Elenita Yamasaki, 52-anyos sa Bgy. Tanca, Bay, Laguna noong Setyembre 29, 2022.

Napag-alamang may nagbigay-impormasyon sa pulisya sa pinagtataguan ng suspek, kaya agad itong sinalakay ng mga awtoridad at dinakip dito dinakip si Dago.

Sa imbestigasyon ng pulisya ay napag-alamang selos ang dahilan kaya binaril at napatay ng suspek ang kanyang live-in partner.