Parak dedbol sa aksidente

@Balitang Probinsiya | August 8, 2022

AKLAN—Patay ang isang pulis nang aksidenteng bumaligtad ang minamaneho niyang motorsiklo kamakalawa sa Bgy. Mabilo, New Washington.

Hindi muna pinangalanan ang biktima hangga't hindi pa naipapaalam sa kanyang pamilya ang pagkamatay ng pulis sa aksidente.

Ayon sa mga saksi, nawalan umano ng kontrol ang pulis sa pagmamaneho ng motorsiklo kaya bumaligtad ito.

Nabatid na nagkaroon ng malaking sugat sa ulo, mga kamay at katawan ang biktima.

Kaagad dinala ng mga saksi ang biktima sa ospital, pero idineklara itong dead-on-arrival.