Pahinante, dedbol sa kuryente
BULGAR
Jul 17, 2022
1 min read
@Balitang Probinsiya | July 17, 2022
ALBAY—Isang pahinante ang namatay nang makuryente kamakalawa sa Bgy. Buraguis, Legazpi City.
Kinilala ng pulisya ang biktima na si Rey Marano, 28-anyos, at residente ng Bgy. Cogon, Castilla, Sorsogon.
Ayon sa ulat, habang minamaneho ni Jonathan Marqueses ang trak na kinalululanan din ng pahinanteng si Marano ay nasagi ng naturang sasakyan ang isang live wire at tumama ito sa biktima.
Napag-alamang sa lakas ng boltahe ng kuryente ay agad namatay ang biktima at nasunog din ang trak.
Pinag-aaralan na ng pulisya ang mga kasong maaaring isampa laban kay Marqueses dahil sa kapabayaan nito sa pagmamaneho.
Comments