Most wanted tiklo sa hideout
- BULGAR
- Sep 13, 2022
- 1 min read
@Balitang Probinsiya | September 13, 2022
LAGUNA—Isang most wanted na rapist ang nadakip ng pulisya kamakalawa sa kanyang hideout sa Bgy. Sto. Tomas, Biñan City.
Kinilala ng pulisya ang suspek na si Rocky Baculanlan, 32-anyos, at pansamantalang nakatira sa naturang bayan.
Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.
Nabatid na nakita ng mga awtoridad ang suspek sa nasabing barangay kaya agad itong inaresto.
Nakapiit na ang suspek sa detention cell ng himpilan ng pulisya.
Comments