Mangingisda todas sa kidlat

@Balitang Probinsiya | August 1, 2022

MASBATE—Isang mangingisda ang namatay nang tamaan ng kidlat kamakalawa sa karagatang sakop ng Bgy. Bantigue, Masbate City.

Ang biktima ay kinilalang si Jepoy Bartolay, nasa hustong gulang, residente sa nasabing barangay.

Ayon sa ulat, nangingisda sa dagat si Bartolay nang biglang bumuhos ang ulan at kasunod ang pagkidlat na tumama sa biktima.

Dahil sa lakas ng boltahe ng kidlat na tumama kay Bartolay ay agad itong namatay.

Sa pagsusuri ng mga awtoridad ay nabatid na nagkaroon ng 3rd degree burns sa katawan ang biktima.