Magsasakang naglalaba, niratrat ng mga armado
- BULGAR
- Jul 9, 2020
- 1 min read
@Balitang Probinsiya | July 9, 2020
AGUSAN DEL SUR—Isang magsasaka ang namatay nang pagbabarilin ng mga hindi kilalang armadong salarin kamakalawa habang naglalaba sa ilog na sakop ng Bgy. San Antonio, RTR. Nakilala ang biktimang nagtamo ng mga tama ng bala sa katawan na si Gerald Camarenes, nakatira sa nasabing barangay.
Ayon sa ulat, habang naglalaba sa nasabing ilog si Camareres ay biglang dumating ang mga suspek at agad pinagbabaril hanggang sa mapatay ang biktima.
May hinala ang mga awtoridad na mga New People’s Army (NPA) ang pumatay sa biktima.
Nagpalabas na ng manhunt operation ang pulisya para madakip ang mga salarin.
Comments