Lasing na nag-amok, arestado
BULGAR
Jun 2, 2022
1 min read
@Balitang Probinsiya | June 2, 2022
AKLAN–Isang lasing na nag-amok ang dinakip ng pulisya kamakalawa sa Bgy. Bubog, Numancia.
Kinilala ng pulisya ang suspek na si Jomarie Natabio, 32-anyos, residente ng nasabing barangay.
Ayon sa ulat, nagtungo ang lasing na si Natabio sa sari-sari store para mangutang ng sigarilyo, pero nang hindi pautangin ay nagwala na ang suspek at naglabas ng itak saka hinahamon ng away ang may-ari ng tindahan.
Dahil dito, humingi ng tulong sa pulisya ang may-ari ng tindahan kaya rumesponde ang mga awtoridad at dinakip ang suspek.
Nahaharap si Natabio sa kasong alarm and scandal at illegal possession of deadly weapon.
Comments