Laborer, binoga na, tinaga pa!

@Balitang Probinsiya | September 22, 2022

AKLAN—Patay ang isang laborer nang barilin at tagain ng kanyang pinsan kamakalawa sa Bgy. Cabugao, Altavas.

Kinilala ng pulisya ang biktima na si Dolphy Raquin, 40-anyos, samantalang ang suspek ay ang pinsan nito na si Ryan Tuberiadez, 36-anyos, kapwa residente sa nasabing barangay.

Ayon sa ulat, habang nag-uusap ay nagkaroon ng pagtatalo ang magpinsan na humantong para barilin ng shotgun at tagain pa ng dala niyang itak ng suspek ang biktima.

Kaagad dinala ng kanilang mga kamag-anak ang biktima sa ospital, pero idineklara itong dead-on-arrival.

Kusa namang sumuko sa pulisya ang suspek na nahaharap sa kasong murder at illegal possession of firearms and ammunitions.