Kelot sugatan sa rambol

@Balitang Probinsiya | October 11, 2022

AKLAN—Sugatan ang isang lalaki sa naganap na rambulan kamakalawa ng dalawang grupo ng kalalakihan sa Bgy. Unidos, Nabas.

Nakilala ang biktimang nagtamo ng mga sugat sa katawan na si Edgar Alvarez, 29-anyos, samantalang ang mga suspek ay kinilala naman na sina Jerold Berondo at Kier Berondo, kapwa nasa hustong gulang at pawang nakatira sa nabanggit na bayan.

Ayon sa ulat, galing sa dance party ang grupo ni Edgar at grupo nina Jerold at Kier nang magkaroon ng pagtatalo hanggang sa magrambulan sa nasabing barangay.

Kaagad rumesponde ang pulisya at nadakip sina Jerold at Kier, samantalang dinala at ginagamot na sa ospital si Edgar.

Patuloy pa ang isinasagawang imbestigasyon ng pulisya sa naganap na insidente ng rambulan sa naturang lugar.