Kagawad, 3 pa huli sa mahjong
- BULGAR
- Aug 19, 2020
- 1 min read
@Balitang Probinsiya | August 19, 2020
LA UNION—Apat katao, kabilang ang kagawad ang dinakip ng pulisya dahil sa illegal gambling nang mahuli sa aktong nagsusugal ng mahjong kamakalawa sa Bgy. Paratong Norte, Bangar.
Hindi na muna pinangalanan ang mga suspek habang iniimbestigahan sila ng pulisya.
Ayon sa ulat, may nagbigay-impormasyon sa mga awtoridad na may nagsusugal ng mahjong sa naturang barangay kaya agad nagsagawa ng pagsalakay ang pulisya at inaresto ang mga suspek.
Nakakumpiska ang mga awtoridad ng mga mga mahjong paraphernalia at cash sa pag-iingat ng mga suspek.
Inihahanda na ng mga awtoridad ang kasong paglabag sa RA 1602 o illegal gambling laban sa mga suspek.
Comments