Ex-Chairman dinedbol ng riding-in-tandem

@Balitang Probinsiya | August 9, 2022

AKLAN—Isang dating barangay chairman ang namatay nang barilin ng dalawang hindi kilalang armadong lalaki kamakalawa sa Bgy. Bagacay, Ibajay.

Kinilala ng pulisya ang biktimang nagtamo ng mga tama ng bala sa katawan na si ex-Chairman Melvin Cabales, nakatira sa naturang barangay.

Ayon sa ulat, habang minamaneho ni Cabales ang kanyang motorsiklo at nakaangkas ang kanyang misis at dalawang anak nang sumulpot ang dalawang salarin na lulan din ng motorsiklo at agad pinagbabaril ang biktima.

Matapos tiyaking patay na ang biktima ay mabilis na tumakas ang mga suspek.

Patuloy pa ang imbestigasyon ng pulisya sa naganap na krimen.