Empleyado, todas sa ambush

@Balitang Probinsiya | June 22, 2022

MAGUINDANAO–Isang empleyado ang namatay at sugatan ang kasama nito sa pang-a-ambush na ginawa sa kanila ng mga hindi kilalang salarin kamakalawa sa national highway ng Datu Saudi Ampatuan.

Kinilala ng pulisya ang nasawi na si Muslimin Behemino, samantalang ang sugatan ay itinago ng pulisya sa alyas na Alinor, kapwa nasa hustong gulang at parehong residente sa Cotabato City.

Ayon sa ulat, habang lulan ng SUV (sports utility vehicle) sina Behemino at “Alinor” ay sumulpot ang mga suspek at agad pinagbabaril ang mga biktima.

Kaagad dinala ng mga saksi ang dalawang biktima sa ospital, pero idineklarang dead-on-arrival si Behemino.

Nagpalabas na ng manhunt operation ang pulisya para madakip ang mga salarin.