Driver ng ambulansya, dedo sa heart attack

@Balitang Probinsiya | August 23, 2022

BILIRAN—Patay ang isang driver nang atakehin sa puso habang nagmamaneho ng ambulansya kamakalawa sa Bgy. Calumpang, Naval.

Ang nasawi ay nakilalang si Roderick Cesora, 55-anyos, driver ng Caibiran Municipal Rural Health Office, at residente sa nabanggit na bayan.

Ayon sa ulat, aksidente umanong nabangga ng minamanehong ambulansya ni Cesora ang dalawang motorsiklong nakaparada sa nasabing barangay.

Sinabi ng mga saksi na nagtaka sila kung bakit hindi bumaba ng ambulansya si Cesora para tingnan ang nabangga niyang dalawang motorsiklo at nang tingnan ng mga residente ang driver seat ay dito nila nakita na nakasubsob sa manibela ang ambulance driver.

Kaagad dinala ng mga residente si Cesora sa ospital, pero idineklara itong dead-on-arrival at ayon sa mga doktor ay inatake sa puso ang driver habang nagmamaneho.