Bangkay ng bata, natagpuan sa balon
- BULGAR
- Jun 23, 2020
- 1 min read
@Balitang Probinsiya | June 23, 2020
CAPIZ — Isang batang babae ang natagpuang patay kamakalawa habang nakalutang sa balon ng Bgy. Dulangan, Pilar.
Sa kahilingan ng pamilya ng biktima ay hindi na pinangalanan ng pulisya ang batang babae na 2 taong gulang.
Ayon sa ulat, napuna ng mga magulang ng biktina na wala ito sa loob ng kanilang bahay kaya’t hinanap nila ang kanilang anak.
Nabatid na makalipas ang ilang oras na paghahanap ay natagpuan ng mga magulang ng biktima ang bangkay nito na nakalutang sa balon.
Patuloy ang imbestigasyon ng pulisya para mabatid kung aksidenteng nahulog sa balon at nalunod o kung may naganap na foul play sa pagkamatay ng biktima.
Comments