Bangkay natagpuan sa gilid ng kalsada
BULGAR
Aug 22, 2022
1 min read
@Balitang Probinsiya | August 22, 2022
QUEZON—Isang lalaki ang natagpuang patay kamakalawa sa madamong gilid ng kalsada ng Bgy. Silangang Malicboy, Pagbilao.
Ang biktima ay kinilala ng pulisya na si Arnold Pontiveros, nasa hustong gulang at residente ng Lucena City sa nabanggit na lalawigan.
Ayon sa ulat, isang residente ang nakakita sa bangkay ng biktima na may malaking sugat sa ulo sa madamong bahagi ng gilid ng kalsada.
Kaagad itong ini-report ng residente sa pulisya.
Sa ngayon ay inaalam pa ng mga awtoridad kung ano ang sanhi ng pagkamatay ni Pontiveros, kung inatake ito sa puso at nabagok sa bato ang ulo o kung may naganap na foul play.
Comments