Bangkay, natagpuan sa gilid ng kalsada
- BULGAR
- Oct 29, 2020
- 1 min read
@Balitang Probinsiya | October 29, 2020
BAGUIO CITY—Isang bangkay ng lalaki ang natagpuan kamakalawa sa gilid ng kalsada sa Circumferential Road, Bgy. Sto. Tomas Proper.
Ang biktima ay kinilala ng pulisya na si Erwin Tango, residente ng Kapangan, Benguet.
Nabatid na ilang residente ang nakatagpo sa bangkay ng biktima sa gilid ng kalsada sa nasabing barangay.
Ayon sa mga kamag-anak ni Tango, nagtungo lang umano noong October 22, 2020 sa bayan ng La Trinidad ang biktima, pero hindi na ito nakauwi hanggang matagpuan ang bangkay nito sa Baguio City.
Patuloy ang imbestigasyon ng pulisya para mabatid ang sanhi ng pagkamatay ng biktima.
Comments