Bahay nasunog, lola dedbol
- BULGAR
- Jun 29, 2020
- 1 min read
@Balitang Probinsiya | June 29, 2020
ALBAY—Isang 92-anyos na lola ang namatay nang masunog ang kanilang bahay kamakalawa sa Bgy. Burgos, Daraga.
Kinilala ng pulisya ang biktima na si Estelita Arana, nakatira sa nabanggit na barangay.
Ayon sa ulat, nag-iisa si Arana sa loob ng kanilang bahay nang sumiklab ang sunog.
Napag-alaman na mabilis kumalat ang apoy at na-trap si Arana kaya nasunog sa loob ng kanilang bahay ang biktima.
Iniimbestigahan na ng mga awtoridad ang sanhi ng sunog na naging dahilan ng pagkamatay ng biktima.
Comments