Armado tiklo sa KTV bar

@Balitang Probinsiya | July 26, 2022

CAMARINES NORTE—Isang lalaking armado ng baril ang dinakip ng pulisya kamakalawa sa loob ng KTV bar sa bayan ng Paracale.

Ang suspek ay itinago muna ng pulisya sa pangalang "Dan," 22-anyos at residente ng naturang bayan habang siya ay iniimbestigahan ng mga awtoridad.

Nabatid na nagsagawa ng "operation-bakal" ang pulisya sa loob ng nasabing KTV bar at nang kapkanan ang suspek ay nakumpiskahan ito ng .38 revolver at mga bala.

Kusa namang sumama sa mga awtoridad ang suspek nang dakpin siya ng mga awtoridad.

Nakapiit na ang suspek na nahaharap sa kasong illegal possession of firearms and ammunitions.