5 Sabungero tiklo sa tupada
BULGAR
May 24, 2022
1 min read
@Balitang Probinsiya | May 24, 2022
QUEZON – Limang sabungero ang inaresto ng mga tauhan ng pulisya kamakalawa sa isang tupadahan sa Bgy. Casuguran, Jomalig sa lalawigang ito.
Pansamantalang hindi muna pinangalanan ang mga suspek habang iniimbestigahan sila ng mga awtoridad.
Ayon sa ulat, may nagbigay impormasyon sa mga awtoridad na may mga nagsasagawa ng ilegal na sabong sa naturang lugar kaya agad itong sinalakay ng mga operatiba at dito nadakip ang mga suspek.
Nakakumpiska ang mga operatiba ng mga manok na panabong, cash at mga tari sa lugar na pinagdausan ng ilegal na sabong.
Nakapiit na ang mga suspek na nahaharap ngayon sa kasong illegal gambling.
Comments