5 Miyembro ng BIFF, sumuko
- BULGAR
- Aug 15, 2022
- 1 min read
@Balitang Probinsiya | August 15, 2022
NORTH COTABATO—Limang miyembro ng Bangsamoro Islamic Freedom Fighters (BIFF) ang sumuko sa pamahalaan kamakalawa sa Bgy. Poblacion, Carmen.
Para sa kanilang seguridad ay hindi na pinangalanan ng mga awtoridad ang mga sumukong miyembro ng BIFF na nakabase sa nasabing lalawigan.
Ayon sa ulat, isinuko rin sa mga awtoridad ng mga terorista ang mga dala nilang mga armas at pampasabog.
Sinabi ng mga sumukong BIFF members na nais na nilang magbagong-buhay kaya nagbalik-loob na sila sa gobyerno.
Isinasailalim pa sa taktikal na interogasyon ang mga sumukong terorista upang matiyak na bukal sa kanilang kalooban ang pagbabalik-loob sa pamahalaan.
Comments