4 Lasinggero tiklo sa liquor ban
BULGAR
May 10, 2022
1 min read
@Balitang Probinsiya | May 10, 2022
AKLAN – Apat na lasinggero ang inaresto ng mga tauhan ng pulisya nang mahuli sa aktong nag-iinuman kamakalawa kahit may ipinaiiral na liquor ban sa Bgy. Balabag, Malay sa lalawigang ito.
Ang mga suspek ay kinilala na sina Wenceclao Flores, Faustino Mangbin, Royola Aguilar at Rusty Castillo, pawang nakatira sa nasabing barangay.
Ayon sa ulat, nahuli sa akto ng mga nagpapatrulyang tauhan ng pulisya ang mga suspek habang nag-iinuman kahit may liquor ban sa panahon ng eleksyon.
Nabatid na nakakumpiska ang pulisya ng mga alak sa pag-iingat ng mga suspek.
Napag-alaman na mga kasong paglabag sa liquor ban ang isasampa ng pulisya laban sa mga suspek.
Comments