3 lolo arestado sa tong-its

@Balitang Probinsiya | June 27, 2022

AKLAN--Tatlong lolo ang inaresto ng pulisya nang mahuli sa aktong nagsusugal ng tong-its kamakalawa sa Bgy. Calimjana, Makato.

Ang mga suspek ay nakilalang sina Placido Tapal, 74-anyos; Jose Billiones, 71-Pacifico Traje, 67-anyos, pawang residente sa nabanggit na bayan.

Ayon sa ulat, may nagbigay-impormasyon sa himpilan ng pulisya na may mga nagsusugal sa nasabing lugar kaya agad sinalakay ng mga operatiba ang gambling den at dito nadakip ang tatlong lolo, samantalang nakatakas naman ang iba pang sugarol.

Nakakumpiska ang mga awtoridad ng mga baraha at cash sa pag-iingat ng mga suspek.

Inihahanda na ng pulisya ang kasong paglabag sa RA 1602 o illegal gambling laban sa tatlong lolo.