20 Durugista, huli sa Pot Session
- Pabs Hernandez III
- Mar 8, 2020
- 1 min read
CAMARINES SUR—Dalawampung drug addicts ang inaresto ng pulisya nang mahuli sa aktong nagsasagawa ng pot session kamakalawa sa tatlong bahay sa Bgy. San Agustin, Iriga City.
Hindi na muna pinangalanan ang mga suspek habang isinasailalim sa masusing imbestigasyon.
Nabatid na may nagbigay ng impormasyon sa pulisya na nagsasagawa ng pot session ang mga suspek sa nasabing barangay kaya agad sinalakay ng mga awtoridad at dinakip ang mga drug addicts.
Nakakumpiska ang mga awtoridad ng ilang sachets ng shabu at drug paraphernalias sa pag-iingat ng mga suspek.
Samantala, nakatakdang sampahan ng pulisya ang mga suspek ng kasong paglabag sa Comprehensive Dangerous Drugs Act of 2002.
Comments