Negosyante, patay sa motorsiklo

Palawan — Patay ang isang negosyanteng babae nang aksidenteng mabangga ng motorsiklo kamakalawa sa Bgy. Abongan, Taytay. Nakilala ang biktima na si Marieta Batuta, 53-anyos, nakatira sa naturang lalawigan.

Ayon sa ulat, habang tumatawid sa kalsada si Batuta ay aksidente itong nabangga ng motorsiklo na minamaneho ng hindi pa nakikilalang rider.

Dinala ng mga saksi ang biktima sa ospital, pero idineklara itong dead-on-arrival.

Inaalam na ng pulisya ang pagkakakilanlan ng tumakas na driver ng motorsiklo para sampahan ng kasong reckless imprudence resulting in homicide.