Padyug at ilang beses nagpalaglag nu’ng college, hindi magkaanak nang mag-asawa, feeling nakarma

Dear Roma, Tawagin n’yo na lang ako sa pangalang Bea, 28. Isa akong babaeng mababa ang lipad nu’ng mga panahong college ako. Aminado rin ako na ilang beses na akong nagpalaglag, ngunit, nagbago na ako. Gayunman, meron na akong asawa, pero hindi pa rin kami nagkakaroon ng anak. Iniisip ko na ito na yata ang parusa sa akin ni God. Ano ang gagawin ko? – Bea

Bea, Sa sitwasyon mo, si God lamang ang makasasagot sa katanungan mo, ngunit, ‘wag kang mawalan ng pag-asa. ‘Ika nga, hangga’t may buhay, may pag-asa. Pagsisihan mo lang ang mga kasalanan na nagawa mo noon at siguradong patatawarin ka rin Niya. Gayunman, ibibigay Niya ang iyong hinihiling sa tamang panahon at pagkakataon basta magtiwala ka lang. Good luck and God bless!