Kalilipat pa lang daw sa Siyete, may attitude na… Kisses, aminadong matigas ang ulo at pasaway

Beth Gelena / Bulgary Files

Photo: @kissesdelavin

Sa paglipat ni Kisses Delavin sa GMA-7, inakusahan agad siyang may diva attitude.

Sa Mars Pa More kung saan guest nina Camille Prats at Iya Villania-Arellano ang young actress ay nag­paliwanag si Kisses.

Aniya, “Ako po si Kisses Delavin at ang kaso ko po is what you see is what you get.”

Tinanong siya ni Camille kung ano ang nangyari at paliwanag ni Kisses, “Kasi sa showbiz kailangan mong gawin ‘yung ibang bagay na minsan, hindi ka kom­portableng gawin, and minsan, nagkakaproblema po ako kapag hindi ko ginagawa ‘yung kailangan kong gawin.”

Si Iya naman ang nagtanong na, “Pa­rang lumalabas, may attitude ka or choo­sy ka?”

“Opo,” sagot ng young actress na kasama ni Ai Ai delas Alas sa peli­ku­lang D’ Ninang.