Unfair daw sa mga kalaban sa MMFF… Movie nina Coco at Jennylyn, ipapalabas sa ibang bansa, pinalagan

Nitz Miralles / Bida

Ilang Christmas eve na rin na nakikita naming kasama ng pamilya ni Dennis Trillo ang GF niyang si Jennylyn Mercado. Parang sa bahay nina Dennis nag-celebrate ng Noche Buena ang magka­sintahan at may nakita kaming li­trato na kasama nila ang anak ni Jennylyn na si Alex Jazz at ang ama nitong si Noli Pineda.

Ang lagi naming inaabangang picture o kaya’y video ay ‘yung nagdya-jamming sina Dennis at Jennylyn with their respective fathers, kaya lang, parang walang ganoong pang­yayari this year. Wait natin sa New Year’s eve.

Ibinalita pala ni Jennylyn na showing na rin sa Middle East ang movie nila nina Ai Ai delas Alas at Coco Martin, ang 3Pol Trobol: Huli Ka Balbon.

May nagtatanong kung isasama sa box office gross ang magiging gross sa Middle East at iba pang lugar sa ibang ban­sa. Unfair daw ito sa ibang MMFF entries na hindi ipapalabas sa ibang bansa. Tanungin natin ang MMFF tungkol dito.

Also, after ng movie nila ni Coco, ang Descen­dants of the Sun naman na pinagtatambalan nina Jennylyn at Ding­dong Dantes ang aabangan ng mga fans ng aktres. Lalong nabitin ang mga fans nang mapanood ang full trail­er ng Philippine at GMA adaptation ng hit Korea­novela dahil gusto na nila itong subay­bayan sa te­le­bisyon, kaso kaila­ngan nilang maghintay ng ilang buwan pa bago ang worldwide premiere ng DOTS.

Hindi na yata babaguhin ng GMA-7 ang airing schedule nila kahit mauna ang ABS-CBN sa airing ng A Soldier’s Heart na tungkol din sa mga sundalo.

Sa January 2020 na ang airing ng A Soldier’s Heart na pagbibidahan ni Gerald Anderson.