Babu na rin sa Viva? Nadine, pumirma na sa kumpanya ni James

Nitz Miralles / Bida

Tanong ng mga fans, naka­­kon­trata pa raw ba sa Viva Re­cords si Nadine Lustre? Kung wala nang kontrata, kailan nag-expire?

Kaya ito tinatanong ng mga fans ay dahil pumirma si Nadine ng recording contract sa record label ng boyfriend niyang si James Reid na Careless Music Manila noong isang araw.

Nakasabay pang pumir­ma ng kontrata ni Nadine sa Careless Music Manila ang iba pang bagong recording artists ng indepen­dent re­cord label ni James.

Comment ng mga fans, baka ang kasunod nito, umalis na rin si Nadine sa Viva Artists Agency at pumirma na rin sa management company ni James na Reid Entertainment, Inc.

Hintayin natin ang pahayag ng Viva Entertainment sa balitang ito na hindi na ikinagulat ng JaDine fans.