Feeling super-sikat daw kasi… Alice, aminadong isinusuka ng mga katrabaho dahil late na, yumabang pa

Ronalyn Seminiano / Showbiz Trends

Ibinulgar ni Alice Dixson na naging unprofessional at primadonna siya noong kasagsagan ng kanyang career. Inamin ni Alice na ang ugali niyang ito ang dahilan kung bakit na-upset sa kanya ang mga katrabaho niya.

Naging mabilis daw kasi ang kan­yang kasikatan kaya naging mataas ang kanyang ego.

Sa interview ni Tito Boy Abunda kay Alice in Tonight with Boy Abunda, nai­kuwento ng aktres ang friendship nila ni Dina Bonnevie. Ayon kay Alice, ayaw daw sa kanya noon ni Dina.

“Oo, ayaw niya (Dina) sa akin, kasi lagi akong late sa set. At least, honest ako, ‘di ba! Kasi teenager ako, medyo matigas ang ulo ko. Even Mother Lily (Monte­verde), nag-aaway kami ni Mother kasi siyempre, there are… I’m stubborn and sometimes, if I don’t get it my way, nagrerebelde ako. Sometimes, I like to be late kasi feeling ko, prima­donna ako at that time.”

Aminado si Alice na napakaraming trabaho ang naapektuhan ng unpro­fessionalism niya.

“A lot of people got very upset with me. Because of my unprofes­sionalism, I lost a lot of work. And so, that taught me na, ‘Hoy, mag-ayus-ayos ka naman diyan.’”

Naging ganu’n daw siya noon dahil nagsabay-sabay ang mga ginagawa niya.

“I think I had a lot of things, I was doing a lot of things, sabay-sabay. I was studying, I was… family time, love life, work… so parang… sumikat ako kaagad, too fast, so lumaki ‘yung ulo ko.”

Ayon kay Alice, ang napangasawa niyang non-showbiz guy na si Ronnie Miranda ang tumulong sa kanya to put her feet back on the ground.