'Di lang si Regine, Mega nasampulan din… Sharon, ininsulto sa sikat na jewelry store sa HK, sa s

Ronalyn Seminiano / Showbiz Trends

Photo: @reallysharoncuneta

Nagpadala ng bulaklak ang Louis Vuitton kay Regine Velas­quez, ayon sa management ng Asia’s Songbird, matapos nitong ibulgar ang naranasang ‘diskriminasyon’ sa store ng nasabing luxury company sa New York.

Nag-guest sa show ni Tito Boy na Tonight with Boy Abunda sina Regine at Sharon Cuneta noong Oct. 14 para sa Iconic concert nila at dito ay naikuwento ng Songbird at ng Megastar ang mga ‘diskri­minas­yong’ naranasan nila sa ibang bansa.

Sabi ni Regine, “I went in Louis Vuitton in New York, I was so interested in this particular style of shoe I wanted. Pinag-ipunan ko talaga. I wanted to get it. So, pagdating ko ru’n sa… pintuan pa lang, hindi na ako pinapasok. Sabi niya (sales staff), ‘No, I don’t think we have your size.’ Saka, nakaharang talaga siya roon.

“Actually, okay pa ‘yun. Ako, I don’t mind that naman, eh. To my face, sasabihan ako ng ‘I don’t think you can afford it.’ Sa akin, parang ‘Okay, if you don’t want to en­ter­tain me, I’ll find somebody else to ano… ‘ At ipapakita ko talaga sa kanya na bibilhan ko ‘yung tao na ‘yun. ‘Yun na lang ‘yung comeback ko,” dagdag pa niya.

Samantala, dahil sa naranasan ni Regine, sinabi ni Tito Boy na “That’s inhuman kasi hindi naman tama na kahit ano’ng bansa ka galing, ano’ng nationality mo, wala kang karapatang mang-discriminate.”

Naitanong tuloy ni Tito Boy kung nara­na­­­san na rin ba ni Megastar na ma-discriminate.

Sinabi ni Sharon na 3 beses niyang naranasang ma-discriminate sa mga designer boutiques.

Nang pumunta raw siya sa Cartier store sa Hong Kong nang naka-jeans lang, ani Mega, “I said, ‘Excuse me.’ ‘I’m not finished yet! I’m doing ganyan-ganyan.’ You know, I was so angry, there was another sales rep (representative) who’s very nice and I ended up buying things that I didn’t really need ‘cause I was so angry.”

Dagdag pa ni Sharon, “Ako, galit ako kapag Pilipino ang inaapi, eh.”

Sabi naman ni Regine, “Saka hindi lang naman ako ‘yung nakaka-experience nu’n and kasi ‘yung during that time also, siyempre ‘yung purpose mo is to treat yourself to something na… you worked so hard for that so that you can also buy something pretty for yourself.”

Oh, ha? Megastar at Songbird na ‘yan, ha?