Nabasagan ng ngipin, tatraydurin at sisiraan ng akalang kaibigan

Socrates Magnus

Salaminin natin ang panaginip ni Janice ng Janice_ Janice@ face-book.com.

Dear Professor,

Ano ang ibig sabihin ng panaginip ko na na­basag ‘yung isang ngipin ko sa harapan, pero hindi naman natanggal? Na-bother ako kasi sabi nila, kapag natatanggal ang ngipin sa panaginip, may mamamatay. Totoo kaya ito?

Naghihintay,

Janice

Sa iyo, Janice,

Minsan lang, as in nag­ka­taon lang na may nanagi­nip na nalagasan ng ngipin at may namatay na mahal sa buhay.

Kadalasan, ang nalagas, nasira o nabasag na ngipin ay nagsasabing, may maninira sa nanaginip, as in, ang layu­nin ng maninira ay ang pu­mangit sa ibang tao ang ima­he ng nanaginip.

Ito ay dahil ang ngipin ay simbolo ng kagandahan. Kaya nga sa mga beauty pa­geant, nananalo ang mga may magagandang ngipin.

Sa panaginip na nasira ang iyong ngipin, ibig sabihin, ikaw ay sisiraan para puma­ngit ang imahe mo sa tao.

Kaya mag-ingat ka sa mga nakasasalamuha mo, ga­yun­din sa mga akala mong na­kikinig sa iyo pero ang layu­nin ay ang makahanap ng ka­siraan at kapintasan mo para ga­mitin sa paninira sa iyo.

Mag-ingat ka rin sa mga kaibigan mo dahil may mga kaibigan na ang gusto ay siya lang ang number one o mas angat. Kapag may banta sa kanyang pagiging number one ay agad niyang sisiraan para manatili siya sa kanyang kasikatan. Higit sa lahat, i­ngatan mo ang iyong sarili da­hil may mga pagkakataon na ang tao mismo ang naka­gagawa ng bagay na ikasisira niya sa mata ng publiko.

Hanggang sa muli,

Professor Seigusmundo del Mundo